روش, يروش, روشنة
من أعجب الكلمات اللى بسمعها كل يوم تقريبا كلمة "روش" و كلمة "شقى"
موش عارف ليه انتشروا انتشار واسع قوى قوى اليومين دول
المهم فى الموضوع اننا بنستعملهم فى غير معناهم
بمعنى اننا مثلا لما بنقول كلمة
"روش" معناها شاب منفتح و ظريف و عايش حياته بطرقته و مكبر دماغه عن كل حاحة ومن كل حاجة
زى لما واحد يعمل عمل يبهر و احد يقوله "قشطة ياروش"
و كلمة
"شقى" معناها انسان مفرط فى النشاط بس بطريقة ظريفة أو كوميديا بعض الشىء
زى ما يحى يقولك "الولا ده مجننى شقى جداااا"
ولكن للاسف موش ده معناهم الاصلى عند أهل اللغة بتوع حتى و كان و أخواتها
فكلمة "روش" معناها ..... خَفَّ عقله وصار أروش
بالبلدى مجنون
وكلمة "شقى" مشتقة من الشقاء ... أى التعاسة و المقصود الشخص الذى يجلب لنفسه التعاسة
بتصرفاته
بالبلدى "غاوى متاعب"
مع الاختلاف الشاسع فى المعنى الحقيقى و المقصود الا أن جهابرة الاصطلاح من الجيل الحالى
هيظلوا يتحفونا بألفاظ عربية بمعانى ما انزل الله بها من سلطان
:)
------------------------------------------------------------------
ملحوظة :
* منفتح : منفتح أخلاقيا و و نظاميا, "بلا حدود"
( فيد التعليقات | | 
/
/
/
/
/
عبد الرحمن جادو
