الحل الوحيد التحشيشات
كان من المتوقع ان السنة دى انها تكون ارخم سنه على اى طالب
والكل يتمنى النجاح فيها فقط
لايفكر ابدا فى التقدير
المناهج طويلة جدا و كل حاجة بتخش فى بعضها
المهم ان السنة دى كانت رخمة جدا لحد حوالى منتصف شهر 3
اتعرفت على ظاهرة ماشية فى الكلية عندنا تسمى
"التحشيشات الطبية"
التحشيشات (والمفرد تحشيشة) : تعرف على انها جمل تكتب باللغة العربية و تحمل فى طياتها شفرات لكلمات معينه عندنا فى المنهج
و مكدبش عليكم و صلت لدرجة ان صفحة كاملة تحفظ بجملة واحيانا بحرف والله
اما بالنسبة لسبب تسميتها تحشيشات فهناك رواياتين
: الرواية الاولى
انها تفيد الطالب اذا اتسطل (داخ) من هول الامتحان او نسى اجابة السؤال فمن خلالها يعرف يفتكر الصفحة
: الراوية الثانية
ودى اللى انا سمعتها انها سميت تحشيشات لان اللى بيألفها دماغه عالية
وكمان اعرف والله ناس محششه المنهج كله فى بعض المواد
المهم اصبحت موضة او ظاهرة العصر فى السنة دى
.................يعنى واحد يقبلك يقولك سمعت اخر تحشيشة وهكذا امثلة
:اشهر تحشيشة
"ابقى طنش أند اسكولارى و ثبت بوتن"
دى بقى عبارة عن الامراض اللى بتسببها حاجة اسمها الريكتسيا (نوع من البكتريا)
ابقى : Epidemic typhus
طنش : Trench fever
اند : Endemic Typhus
سكولارى : Scurb fever
ثبت : Spotted fever
بوتن : Boutonneuse fever
: وليها تكميلة برده
"بروزاكى كانت مثيرة و اورينتالس ركبت كنورى"
:وهكذا
حتى انا اجتهدت و عملت تحشيشات خاصة بيا
مثل " عز لم الكبار باليل"
الجملة دى عبارة عن اسماء بعض الخلايا بتظهر مع بعضها فى
"Chronic Inflammation"
عز : Eosinophils
لم : Lymphocyte
الكبار : باللتينى معناها Macrophage
بالليل : يعنى PM
Plasma cell and Monocyte
وغيرها كتتير من التحشيشات
:امثلة
مص دمه و ثبت رايتر
استاف كوت فوفو كات باى جل اند لت هيومن داى
استاف عنده كوسة واصل كوول هايف اول ما تاب موتوه
............ربنا يسترها معانا فى 3 الباقيين
( فيد التعليقات | | 
/
/
/
/
/
مس لزيزة
