العلاج بالكهرباء
انى امسك الريموت و اقلب فى التليفزيون ده شىء عادى جدا- خلصت بقى
المهم قولت اخد جوله فى التلفزيون (اصله وحشنى طبعا)
كل ما اقلب القى حاجة اعجب من اللى قبلها
كلها اشتغالات على الشعب الغلبان
بأمانة حسيت انى ولا عايش فى الدنيا دى
المهم اعجب شىء شوفته و هو اصلا مشترك بيين كل القنوات
يقولك
"العلاج البديل" "العلاج بالاعشاب" "الطب النبوى" "الطب الفرعونى"....................
حاجات عجيبة جدا مستغليين جهل الشعب
حسبى الله و نعم و الوكيل
المهم قررت اخذ لقطه عن قرب
المذيع : عاوزين خلطة لعلاج القرح فى الفم
الضيف (اصلا خريج تجارة بأعترافه) : انا بقى حقولكم على خلطة فرعونية جديدة
"اذاى فروعونية وجديدة انا موش فاهم"
المهم
المذيع بأستغراب: يعنى الفرعنة كانوا بيجبوا الكلام ده و يحطوه قبل مايناموا
الضيف : طبعا دول كانوا متقدمين جدا فى الطب
واضاف ..... على فكرة احنا عاوزين نعمل حلقة نعلم الناس ازاى يجمعوا الاعشاب بنفسهم من سيناء
شئ عجيب والله
الراجل ده حسسنى انى الفرعنه هم اللى اخترعوا الويندوز
وبيل جتس جه اكتشف المقبرة الويندوزيه و نسبه لنفسه
و طول الحقلة شغال فى سرد خلطات عجيبة بأسماء اعشاب اعجب
المهم قولت انا اكيد غلطان
بعدها بفترة لاقت احدى القنوات مستضيفة عالم يابانى بيعالج بالماء (ما شاء الله تقدم برده و الله)
نفس الراجل الضيف الاول بتاع الاعشاب لاقيته بيقولك فى "علاج باللمس" و
الرسول هو اللى اخترعه
استغفر الله العظيم المعجزات كمان عاوزين نحللها لنفسنا و نبقى اولاياء بقى
يقولك بقى اصل الرسول كان بيضع يده على الجرح فيخف .
سبحان الله استعجبت اكتر لاقيت قناة تانية بيقولك ان كل الامراض العضوية اصلها نفسى
فعليك اللجوء الى اقرب طبيب نفسى
"موش عارف بقى 250 بكتريا و الفطريات و الفيروسات اللى درستها السنة دى راحت فين
"شكل الجامعة كانت بدرسلنا حاجات فى كوكب المريخ
يلا وكمان و الصين بيعلجوا بطرق عجيبة لسه هنستوردها بأذن الله.
المهم انا قولت انا هخترع طريقة جديدة
العلاج بالكهرباء
اشمعنى انا!
مش بعيد هيريحه تمااااااااااااااااااما
وبرده فى مناقشة مع احد اصدقائى توصلت للعلاج بالامتحانات
هتنسيك كل اللى عندك حتى اسمك
المهم ده كله يندرج تحت اسم
العلاج بالاشتغالات
( فيد التعليقات | | 
/
/
/
/
/
حائر في دنيا الله
