تخاريف نص الليل
طبعا انا معترف انى مدمن للانترنت
يوميا عليه أحيانا بنسى أكل و انا قدامه
بحس انه صديقى اللى كنت بدور عليه من زمان
او أخويا اللى كله ما اعوذ اعرف حاجة الجاء ليه فى طلب مساعدته
وشهادة لله عمره ما تأخر عليا
المهم متعود انا كل يوم اختم يومى معاه
أقراء مقاله او اشوف اى خبر جديد او حتى اتابع مدونتى
أحسن من الكتب علشان الكوابيس و الكلام دهمن فترة كنت بقراء مقالة عن البكاء
قراءتها و دخلت نمت
حوالى الساعة 3 باليل سمعت صوت شىء بهتز و الاهتزاز بيزيد
و الشباك مكانش مقفول كويش بدأ هو كمان بهتز
بدأت افوق فتحت عينى
و ركزت طلعت الغسالة الاتومتك امى كانت مشغلها و سبتها و نامت
قولت الحمد لله افتكرته زلزال ولا حاجة
المهم ما عرفتش انام
قعدت افكر بلاد تشلنى و بلاد تحطنى فى الافكار
من مشكلة الدنمارك و الانفلونزا الطيور لحد مشكلة ابنى عمى الصغير "عبد الله" 3 سنين
وشقاوته الذايدة عن اللزوم
كنت هبكى و ده من النادر
لما فكرت بحالى فى الاسبوع اللى فات
"على فكرة انا ببكى لما احس انى ظالم لحد"
المهم افتكرت المقالة اللى كنت بقراءها عن البكاء
لفتنى فيها شىء غريب قالك ان
السيدات بيبكوا 64 مرة فى السنة أما الرجال بيبكوا 17 مرة "
" و بالنسبة للسياسين و الممثلين على حسب الطلب
قعدت أفكر ليه السيدات اكتر
: وتوصلت للاتى
السيدات تفكيرهم فى علم النفس بيوصف بالحلزونى
يعنى ممكن تفكر فى مية حاجة فى نفس الوقت
يعنى تتكلم فى التلفون و شيله ابنها على ايدها و بتتفرج على التلفزيون
و بتفهم اشارات زوجها كله فى نفس الوقت وكمان متسرعة فى قررها
بسبب الكلام ده
اما الرجل تفكيره متتالى
ماينفعش يفكر و يركز الا فى حاجة واحدة
يعنى لو بيكلم فى التليفون و مراته بتشاور ليه علشان يقول حاجة يقولها اسكتى انت موش شايفانى بتكلم فى التليفون
ولذلك الراجل بتخذ قرار بعد تفكير عميق
فندمه قليل
اما السيدات متسرعه فبتندم على قررتها
وبحسب المقالة دى
ان البكاء نوع من تأنيب النفس بسبب الندم على حاجة و انك مستعد لفقد اى شىء
و تتخلص من الحزن ده
يعنى لو حد زعلك بتحس انك ندمان على الحب و الخدمات اللى قدمتها ليه
وان كان بسبب الفرح فبتكون دليل على انك مستعد تفقد اى حاجة فى مقابل انك ماتفقدش الفرحة دى
وده كله لا ارادى و الدموع رمز ليه
نمت يوميها بالعافية و صحيت
و جهزت نفسى للجامعة
و انا رايح الجامعة و قفت تاكسى ركبت
مشى بيا كام متر
طالبه وقفته
السواق : رايحه فين ؟
هى : كلية حقوق
هو بيكلمنى : رايح فين يا حضرة بالظبط ؟
أنا : هنزل طب سيدتك ؟
هو : طب معليش انزل اصل انا هلف لفة كده موش هروح على طول على طب
نزلت انا
و هى ركبت
زعلت جدا
و كنت هبكى للاول مرة على سبب هايف
حسيت انى محتقر اوى
يااااااااه كل ده علشان السواق عاوز الشباب يلبس "جيب" او طرحه
علشان يكون ليه صلاحية الركوب
أخص عليك ,هو ده جزاءى
يالله منه لله
وانا اطالب على فكرة بالمساواة فى حق ركوب التاكسى زى الجنس الاخر
هما اشتروه و لا كانوا اشتروه يعنى
التاكسى موصله عامة موش نسائية
يلا حسبى الله و نعم الوكيل
--------------------------------
( فيد التعليقات | | 
/
/
/
/
/
ألِف
